KINGDOM OF CAMBODIA

របៀបស្វែងរករបាយការណ៍

ការប្រើប្រាស់ឧបករណ៍ស្វែងរក

នៅលើទំព័រ ការសែ្វងរករបាយការណ៍ លោកអ្នកអាចរកឃើញរបាយការណ៍ទាំងអស់ដោយប្រើឧបករណ៍រុករកជាមែកធាង ឬ​ឧបករណ៍រុ​ករក​ជា​ផែនទី ដែល​ស្ថិត​នៅ​ខាង​លើ​​ផ្នែក​ខាង​ឆ្វេង​នៃ​អេក្រង់។​

ប្រសិនបើលោកអ្នកប្រើប្រាស់ឧបករណ៍រុករកជាមែកធាង លោកអ្នកនឹងអាចជ្រើសរើសតំបន់រហូតដល់កម្រិតភូមិ។​

ប្រសិនបើលោកអ្នកប្រើប្រាស់ឧបករណ៍រុករកជាផែនទីវិញ លោកអ្នកនឹងអាចជ្រើសរើសតំបន់រហូតដល់ត្រឹមកម្រិតឃុំទេ ពីព្រោះគ្មានផែនទីដល់កម្រិតភូមិនោះទេ។​

សូមកត់សម្គាល់ថាផែនទីអាចមិនទាន់​ បង្ហាញពីការផ្លាស់ប្តូរតំបន់រដ្ឋបាលទាំងអស់ដែលបានធ្វើ​ ឡើងនៅក្នុងប៉ុន្មានឆ្នាំចុងក្រោយនេះឲ្យ​បានពេញលេញនៅឡើយ​ដោយ​សា​រតែ​មិនទាន់​ មាន shapefiles ដែល​មាន​បច្ចុប្បន្ន​ភាព​សម្រាប់​គ្រប់​តំបន់​នៅឡើយ។​

ព័ត៌មានដែលបង្ហាញនៅលើផែនទី​

នៅក្នុងឧបករណ៍រុករកជាផែនទីដែល​ស្ថិតនៅផ្នែកខាងឆ្វេងដៃ​នៃអេក្រង់នេះ ផែនទីនៅកម្រិតភូមិសាស្ត្រនីមួយៗ (ខេត្ត-ស្រុក-ឃុំ) បានបង្ហាញពណ៌​ផ្សេងៗ​គ្នា​អាស្រ័យ​លើ​ភាគរយ​​គ្រួសារ​​ក្រីក្រ​នៅក្នុង​ តំបន់​នោះ។ ពណ៌នេះផ្ដល់នូវ​ គំឃើញកម្រិតភាពក្រីក្រតាមតំបន់ភូមិសាស្ត្រផ្សេងៗគ្នាយ៉ាងងាយស្រួល។​

នៅផ្នែកខាងស្តាំដៃនៃអេក្រង់លោកអ្នកនឹង​ឃើញផែនទី​តូចមួយដែលបង្ហាញពីតំបន់​ គ្របដណ្តប់ដោយកម្មវិធីអត្តសញ្ញាណកម្មគ្រួសារក្រីក្រ។ ព័ត៌មាននេះក៏មាននៅលើទំព័រ តំបន់គ្របដណ្តប់ ផងដែរ។​

សេចក្តីលម្ធិតសង្ខេប​

នៅពេលដែលលោក​អ្នកជ្រើសរើសតំបន់​ភូមិសាស្ត្រណាមួយសេចក្ដី​ លម្អិតសង្ខេបសម្រាប់តំបន់នោះត្រូវបានបង្ហាញនៅក្នុងប្រអប់ខាងស្តាំ​នៃ​ អេក្រង់។ សេចក្តី​លម្អិត​សង្ខេប​នេះ​រួម​បញ្ចូល​ទាំង​​ព័ត៌មាន​អំពី​ចំនួន​​ប្រជាជន​ សរុប​ក៏​ដូច​ជា​ភាគរយ​​និង​ចំនួន​គ្រួសារ​ក្រីក្រ​កម្រិត​ទី១​និងកម្រិត​ទី២ ​ និង​មនុស្ស​ដែល​រស់​នៅ​ក្នុង​គ្រួសារ​ទាំង​នោះ​ផង​ដែរ។​

របាយការណ៍នានា​

នៅពេលដែលលោកអ្នកជ្រើសរើសតំបន់​ភូមិសាស្ត្រណាមួយរបាយការណ៍​ ស្ដង់ដារដែលអាចរកបានទាំងអស់​សម្រាប់តំបន់នោះត្រូវបានរាយ​ឈ្មោះ​នៅ​ផ្នែក​ខាង ​ក្រោម​នៃ​អេក្រង់។ របាយការណ៏​​ភាគ​ច្រើន​មាន​ទាំង​ជា​ទម្រង់ Excel ទាំង​ជាទម្រង់ PDF។ នៅ​ពេល​ដែល​លោក​អ្នក​ជ្រើសរើស​យក​ទម្រង់​ណា​មួយ​ដែល​លោក​អ្នក​ចង់​បាន​វា​ នឹង​អនុញ្ញាត​ឲ្យ​លោក​អ្នក​ទទួល​​បាន​របាយការណ៍​សម្រាប់​តំបន់​ភូមិ​ សាស្ត្រនោះ​។ ព័ត៌មានបន្ថែមអំពីប្រភេទរបាយការណ៍។​